川公所 (已結業)

今日去咗九龍灣德福行街，經過淘大呢度變化好大，離遠見到川公所既大招牌，門口亦唔算好難搵，之前有聽朋友介紹過佢哋嘅川菜好出色！今日一月同埋朋友一齊去試吓！佢哋嘅川菜菜式非常多 最鍾意食佢哋嘅金湯酸菜烤魚 份量超多 仲有我最欣賞佢哋嘅麻辣小龍蝦 每隻小龍蝦都吸收晒麻辣嘅精華😍真係回味無窮！另外點少得叫我最鍾意食嘅鹹蛋黃薯仔絲🔥好想推介呢個薯仔絲俾大家 因為佢每一條薯仔絲都吸收晒鹹蛋黃嘅精華！每一啖都好好味！川公所既碟頭都幾大份 絕對啱晒一大班朋友三五知己過嚟食返餐🥰呢度嘅Staff個個都好Nice我哋仲同經理吹咗好耐水~打成一片！希望可以快啲再嚟食啦