川婆婆 (寶勒巷) (已結業)

最近比我發掘左一間好正宗嘅麻辣火鍋店，應該有好多人都去食過，去到店有兩種選擇，可以選擇自己點菜打火鍋，都可以單點麻辣燙咁食，平時得自己一個人就我點麻辣燙，麻辣燙和火鍋都系咁好食，口味一樣甘勁，今晚同個同事一齊就有伴食火鍋。去食火鍋就梗系唔少得肥牛，我同個同事都比較食得辣，揀左個麻辣火鍋，不過都有叫老板放少D辣椒，因為呢間店嘅辣唔系一般辣，少少就已經好勁，肥牛都算足料，落入鍋中涮一陣就撈上嚟，雖然好細件，但都覺得好辣，但又辣得好吊人胃口，好正宗嘅重慶辣，食多D辣到人頭皮發麻，但又有一種欲罷不能嘅感覺，食完一件仲想繼續食，一邊食一邊要飲冰水來解辣，卻不停咁食。我地仲叫左其他好多嘢食，呢間麻辣燙都算多嘢食，好多品種揀，脆皮芝士腸好好食，原嚟芝士腸加麻辣味咁特別，仲有粟米蘿卜同韭菜餃都幾好味，如果覺得食唔飽，仲可以點麵其他主食，麻辣味嘅出前一丁，別有一番風味。