兩姊妹涼皮有限公司 (柏樹街) (已搬遷) 新店位置

冬天到了，又係食辣暖身既好曰子。一群人既話當然要食麻辣煲，而一個人既話就梗係要食麻辣粉。呢一間既麻辣粉可以當小食咁食，因為份量唔算多，我第一次食，所以揀左個招牌兩姊妹涼皮。一食落去先知，呢個涼皮都真係好涼，平時食既通常都係室溫，不過呢個食落口，係凍既，連辣汁都係好似雪過雪櫃出黎咁。原本諗住天氣凍要食熱野，唯有下次要認真d睇餐牌，唔好揀錯凍野食，不過點知食食下又覺得ok喎。事關佢夠辣同麻，食食下連咀唇都feel到麻，好過癮。反而如果佢係熱既，對我黎講就可能會辣得濟。加上舖內有位可以企係度食，絕對加分，期待下次再黎，再試埋其他野食