麺屋武蔵 (已結業)

今日黎到新港城中心既麺屋武蔵食lunch🍽～之前啱啱新開個陣都幾多人等位👀，今日小妹特登早少少到，12點🕛入坐即刻有位😙。店舖環境以簡單舒適為主😊。牛肉年糕卷($45)：牛肉包得好貼，夾起完全吾會散👍🏻，可以成舊放入口😋。牛肉🐂好軟，牛肉味香濃，加埋d甜甜地既汁💦，更加提升左牛既味道⬆️。呢個小食都幾啱我口味😝，美中不足既系入面既年糕份量相對比較多🙈，兩者既口感未夠平衡⚖️。豚肉片白武骨拉麵($75)：濃厚豚骨湯底♨️味道濃郁，拉麵未夠彈牙🙃，不過整體口感還可以👌🏻。豚肉🐖片切得好薄，食落比肥牛仲軟身d😊，吾錯吾錯～溏心蛋🥚好有蛋香👃🏻，用特製日式醬油醃製過後更加惹味👅，咬落去仲有2種口感添！試過朋友叫既黑武骨沾汁麵($79)之後，個人覺得沾麵做得比拉麵出色好多✨，口感彈牙之餘掛湯力都極佳❤️～如果下次再黎1定要食呢個啊🤤！