麵麵店 (已結業)

今日去左將軍澳探個朋友，之後去咗樓下商場食個飯，見到有間新開嘅中式粉麵店，原來係小儀開嘅，餐廳有好多佢嘅相，我就入去試吓啦！餐廳做開放式設計， 座位都算寬闊，好舒服。餐廳好似做緊港式車仔麵，自選配料和飲品。我叫左麻辣豬腩片（1.5 oz）、蘿蔔、豬腸、韭菜餃、午餐肉，叫左香菇素湯，加左惹味咖喱汁。叫左野食好快上枱啦。大大碗好足料！超鐘意蘿蔔配埋咖喱汁，好濃好惹味，辣度唔算高。我好鐘意食豬腸架，無燥味，無腥臭味！