Treats (已結業)

星期二係太古城中心行咗一陣，我和朋友都想食個下午茶餐，但係又唔想食得太貴，咁啱見到Food Court TREATS 有個小儀嘅紙牌，睇真啲原來係佢間麵麵店，有個特選優惠，特價三餸麵餐，有豬皮、蘿蔔、豬紅，配一杯凍無糖烏龍茶/涷紫背天葵特飲，都只係$28，如果轉飲涷豆漿就另加$3，於是我哋都趁有呢個優惠，試下呢間嘅車仔麵。我就揀咗粗麵，朋友就揀幼麵。總括： 太古城中心food court環境都算唔錯，下午茶時段坐位都好夠坐，唔算多人，而今次我哋食嘅下午茶嚟講，份量都唔細，豬皮好入味，豬紅都好好食，麵餅都唔細，飲品亦好大杯，個人覺得紫背天葵特飲略甜，如果淡啲會好啲，所以我都係寧願飲無糖烏龍茶，至於蘿蔔亦好甜，不過唯一比較可惜嘅係蘿蔔塊皮有渣(附圖)，如果啲皮刨深少少就會更加好，整體感覺都唔錯，有機會一定會再幫襯過。