段純貞牛肉麵 (Tower 535) (已結業)

想試呢間牛肉麵好耐，因為好多年冇得飛去台灣食牛肉麵，非常掛住嗰種味道。香港好食嘅台灣牛肉麵更加十隻手指數得哂，所以見呢度門面乾淨，價錢又合理，仲見到有盒裝嘅牛肉麵賣，叮番熱或煮番熱個湯就得，餐廳咁嘅設計都算有heart去做生意，俾客人拎番屋企食。三寶(牛肚牛筋牛肉)麵，湯好味，啲麵係手工麵嚟，亦好彈牙，好特別。牛肉非常好食。燉蕃茄腱心半筋半肉麵，個湯好好飲。養生無骨紅棗黃酒雞滷水拼盤，好味。呢個菜炒得好好食。