影片
更多
2020-12-25
530 浏览
行過見到又有新食店開左，個餐廳名似係主打麵食，睇睇餐牌，除左麵外，仲有幾款便當同小食，價錢貼地，就試下佢啦。寫紙仔落單，落完就等食啦，枱上有醋辣醬等調味料，器皿乾淨。筷子好新淨，仲有筷子套，雖然唔環保，但疫情下更覺安心。食物到啦，自己點左招牌麵食～威風百麵，要沙嗲汁同寛條紅薯粉，賣相好正咁喎。本身個湯底好清甜，撈混個沙嗲汁就好香口，有花生香有帶少少辣，多惹味。薯粉軟腍，連湯汁食一流。餸方面無伏喎，雞翼大腸滷得入味，腩肉入口即化勁正，冬菇魚腐吸湯正呀，仲有綿綿嘅溏心蛋，好味好味。朋友呢個食肉獸全部叫哂肉，哈哈，佢呢碗係牛腩、牛筋、紅燒豬腩肉、手撕雞拉麵加上秘制辣汁，肉感十足。疫情下我地就無交換食啦，朋友話腩肉爆正，牛筋五香味濃咬落有膠質，牛腩唔痴牙，手撕雞就因為其他太濃味所以無乜特別喎。拉麵好吸湯，辣湯底係唔錯嘅，不過中辣對佢黎講話唔夠辣。仲追加左小食秘制辣汁炒魷魚，魷魚爽口，辣汁香濃，好味到連條菜都食埋。飲品要左豆漿同+C，夠凍無投訴。都無留意原來有甜品送，店員拎左芒果同士多啤梨味，仲有個好得意嘅剷做匙羹。食落似慕絲，甜甜地綿綿地幾好味。臨離開前望下雪櫃，原來有四款口味，除左上面兩款仲
寫紙仔落單，落完就等食啦，枱上有醋辣醬等調味料，器皿乾淨。
筷子好新淨，仲有筷子套，雖然唔環保，但疫情下更覺安心。
食物到啦，自己點左招牌麵食～威風百麵，要沙嗲汁同寛條紅薯粉，賣相好正咁喎。
本身個湯底好清甜，撈混個沙嗲汁就好香口，有花生香有帶少少辣，多惹味。
薯粉軟腍，連湯汁食一流。
餸方面無伏喎，雞翼大腸滷得入味，腩肉入口即化勁正，冬菇魚腐吸湯正呀，仲有綿綿嘅溏心蛋，好味好味。
朋友呢個食肉獸全部叫哂肉，哈哈，佢呢碗係牛腩、牛筋、紅燒豬腩肉、手撕雞拉麵加上秘制辣汁，肉感十足。疫情下我地就無交換食啦，朋友話腩肉爆正，牛筋五香味濃咬落有膠質，牛腩唔痴牙，手撕雞就因為其他太濃味所以無乜特別喎。
拉麵好吸湯，辣湯底係唔錯嘅，不過中辣對佢黎講話唔夠辣。
仲追加左小食秘制辣汁炒魷魚，魷魚爽口，辣汁香濃，好味到連條菜都食埋。
飲品要左豆漿同+C，夠凍無投訴。
都無留意原來有甜品送，店員拎左芒果同士多啤梨味，仲有個好得意嘅剷做匙羹。
食落似慕絲，甜甜地綿綿地幾好味。臨離開前望下雪櫃，原來有四款口味，除左上面兩款仲有香芋同木糠布甸，正喎，食麵居然送甜品。麵好食，腩肉強烈推薦，仲有甜品，哈哈，我可以呀～
张贴
