巴黎麵包餅屋 (已結業)

尋日食完蛇，仲未夠兩點鐘，我堅持行路返公司。行經水坑口街，當然要去買下六合彩。在途中聞到炭燒的味道，仲以為自己聞錯，原來真有其「炭」。味道是在一間麵包舖傳來，佢將炭放在一個麵包盤裡，再放個燒烤網來烘雞翼，說是烘而不是燒，因為炭非明火，只是用燒紅了的炭在烘。麵包舖賣埋炭燒雞翼，都係第一次見！佢名為瑞士雞翼，賣5蚊一隻，9 蚊兩隻，係用竹枝穿住雞全翼來燒，幾平。買左兩隻，我當然表演當街食雞翼的絕技，同事就無我咁顛，一於包到返公司至食。雞翼皮不算脆，可能因為不是明火燒的關係。瑞士汁似甜鹵水汁，我估是支裝的。熱辣辣的味道不錯，同事那隻拿返公司味道就差了多少，始終是趁熱吃好，但就要如我般不顧儀態。味道不錯又幾平，有興趣又經過的可以一試。