B.Two House (已結業)

去開觀塘想食平平地，上openrice搵左好耐，見到呢間逢一三五先做晚市，咁岩今日星期五，咁就呢間啦，食評中少見有晚市菜單，唔知食咩好呢？觀塘實在太多工廈，呢幢大廈算近地鐵站。入到去見到有一枱客，環境安靜，不過真係好熱，一路食一路出汗，但勝在有wifi提供呢。我地兩公婆唔諗住食咁飽，只嗌左兩個包，一個意粉一個湯，餐湯有個黑糖手指包，再半價加左杯橙汁，埋單$207雞肉忌廉湯，我鐘意呢個口感，唔會好“杰”，但老公嫌太稀，各有各口味啦，但一致認同個湯好滑，比個like雙色Bagel，新鮮熱辣呀！個皮脆卜卜黑糖包我自己鐘意呢個多過outback果個，呢個軟熟啲，但老公就鐘意食硬身啲哈哈最後就係黑松露三文魚意粉老公第1啖就話意粉好爽口，但我地真係食唔到黑松露味，面頭黑色果啲應該係魚籽，呢個係不過不失啦！我地唔鐘意既太濃味，呢個唔會好濃味，汁都唔係“杰”身果種。總括來說，包真係出色，我平時都麻麻地食包，但呢個可以喔，下次可以再試有餡既bagel。