牛舞日本燒肉‧涮涮鍋放題 (1亞太中心) (已結業)

咁耐無食過燒肉，今日決定約朋友黎食番餐勁。發現觀塘有鹿兒島著名和牛品牌beefars開嘅放題店！一場黎到梗係食最好嘅薩摩牛放題！呢度首先上一盤靚牛，一致通過4%之奇蹟薩摩牛係最正嘅！油脂分泌平均，入口即溶，牛油四溢！另外肩小排就無咁肥，但係另一種感受，有咬口得黎，牛味依然出眾！另外我地點左好多海鮮，呢度嘅種類真係好令人驚喜！帶子都有分帶殼同唔帶殼，調味都分好多款。另外居然仲有甲羅燒！另外唔少得鮑魚，蠔，蝦呢啲。燒嘅時間要好好控制，如果唔係就好容易太熟。另外出面有得落生菜，可以包肉又可以自己炒黎食，我地燒完牛炒菜感覺超好食呢～飲品呢度有幾多無糖選擇，啱曬宜家怕甜嘅大家。甜品方面有好多和果子，中間有紅豆蓉，另外仲有多款雪糕，超級滿足。另外我地揀左酒類任飲，所以飲左好多sake~啤酒紅白酒都有不過就下次先啦。Sake味道都有啲水準架。呢度有上菜機械人，好得意啊！落單當然就係用QR code電子落單啦。