龍鳳號 (已結業)

雖然裝修同個店名一樣咁中式，但QR code落單。先黎個鹽酥菇（$42），估唔到咁大碗！ 啲菇多汁大舊，炸皮薄，酥炸真係幾香口好食。食左熱氣野緊係飲番枝山楂洛神花茶 （$28），酸酸甜甜合我口味，同時解解膩。台灣出名小食多，我哋就叫左好多款小食，試哂去！有甜甜既台式烤香腸（$32），宜蘭蔥肉煎餅（$48有6件），松花皮蛋豆腐（$42）。食完小食都唔夠飽既就叫個甜甜既惹味肉燥乾拌麵 （$38）。可能我早黎，星期六啲人都未起身，所以上菜速度超快，啲野食熱辣辣。溫馨提示：冷氣比較大，要拎件衫呀。