媽咪雞蛋仔

宜家肺炎疫情肆虐，真係唔敢係街上面邊行邊食。但咁啱今日出開銅鑼灣，行行下又見到有好耐冇食嘅雞蛋仔，就買咗一底上車食。

鹽燒紫菜粟米雞蛋仔

$32

平時食開呢間都係食甜味，例如紫薯、香蕉朱古力......今日見有少少餓，想試吓鹹味嘅雞蛋仔，所以就揀咗鹽燒紫菜粟米味。

估唔到鹹味嘅雞蛋仔都幾有驚喜，紫菜原來係一整塊比雞蛋仔夾住，加上少少鹽味襯托，每一粒雞蛋仔入邊都有粟米粒。味道出奇地配搭，身為芝士控嘅張生覺得如果加埋芝士就Perfect啦！