香港小熊

营业中

休息中

以前行尖沙咀好多都係名店、藥房或者手信鋪，但呢兩年因為疫情好多都轉咗型，記得以前呢間香港小熊係賣曲奇餅🍪而家善用爐具轉賣開到成行成市既古早味蛋糕，為咗係眾多鋪頭當中突出，仲賣埋肉鬆卷同埋港式手搖飲品。小店佈置好可愛，全部都係小小熊仔🐻仲貼滿佢地既出品，令人食指大動，令本來只係想買杯野飲同小食既我都不由自主咁買多幾樣野比屋企人食。🧆蟹黃肉鬆卷 $39一盒四件，誠意非常足咁將肉鬆包實哂成個蛋糕，入面填咗蟹黃醬，有一種油潤既感覺😚鹹味既肉鬆同甜味蛋糕係口入面好融洽，令人忍唔住一件接一件。🧋美祿惡魔 $38係度賣既唔係普通台式飲品，而家自家研發既港式手搖，呢杯唔係簡單美祿溝牛奶，佢既惡魔之處係有埋豆腐花同咖啡啫喱😋令口感超級豐富。🍞香滑原味蛋糕 $30蛋香味撲鼻，海綿蛋糕好鬆軟，份量都幾足。🧀經典流心芝士蛋糕 $45芝士夾層唔算好厚，鹹香味起到畫龍點睛之用。