黑麥 (已結業)

7-8-2005 1230今日好彩只用了幾小時就埋尾，去老尖windows screening 前，到這裡食過lunch 先，一出電梯或樓梯就係佢地既地頭，沒有華麗既decoration，只有一個bar 位同埋數張檯，不過冇乜所為，反正冇其他office 係同一層。星期日還好有set lunch，當日的主菜包括紅酒燴牛肉扁麵、蟹肉野菌香草忌廉汁長通粉及煎雞扒伴什菜配紅酒汁，加10蚊還有湯同埋咖啡奶茶，而最後選擇第2個。湯係南瓜湯配蒜蓉包一片，湯味道及香味適中，如更濃更加好，麵包就麻麻地，唔係咁鬆軟；到了主角出場，長通粉軟硬度適中，個人來講，放湯就一定要軟身，但係煮菜，好似今次咁，我反而喜歡硬身；蟹肉絕不是蟹肉，用急凍都無可厚非，香草都落左唔少，本來應該唔錯，但被個汁破壞曬，因為個忌兼汁好鹹，但似係芝士粉落得太多造成，不喜歡浪費食物的我仍然食曬去，好奇怪，咁都食得到，額外還落去extra 芝士粉。埋單連加一要97蚊，一的都唔抵，希望去其他分店或食麵包冇咁既情況啦。