Burgeroom (美麗華廣場1期) (已結業)

我閒日下午飯時間同朋友係尖沙咀burgeroom，各自叫左芝士大啡菇牛肉漢堡跟餐有薯條同飲品。個漢堡係寫住餐廳推薦，諗住一定掂啦，都伏到咁。我食左半個，之後另一半拆散食，因為想知咩事。包:勁少牛油塗在包內，包質鬆散勁粉，冇味勁似嘉頓包。芝士:二塊勁薄，痴住咗舊牛，食吾到芝士味醬汁：似千島醬，橙紅色，同個包吾夾，好大pat牛:我未試過食咁鹹又冇肉又冇牛味嘅牛，好難食，個漢堡嘅靈魂都可以搞到咁。個質感就好彈，我揾刀切，可以彈刀，好多筋，勁煙靭。好似雪左好耐嘅鹹肉咁，冇味。大啡菇:白灼咁，咁大舊菇都可以冇味，。好似冇煎過。菜，蕃茄:生菜係冧曬扁晒一張紙咁，suppose係波浪有啲咬口，爽嘅，但佢就好似張紙咁放係底，冇口感。蕃茄還可以，我單獨食都覺得塊茄好鹹。我同朋友好失望，個個都食淨個包同牛肉因為太鹹，鹹到個口好乾，飲餐飲加多杯水都頂吾住。冇諗過咁多正評都可以伏，抱歉不會再幫襯。係到留言，希望餐廳可以改善。