永利餐廳 (已結業)

今日下午我们再去之前去食过喺何文田窝打老道嘅「永利餐厅」食下午茶！我们叫咗鲜牛肉猪骨汤红薯粉同煎鸡扒喇沙汤红薯粉！鲜牛肉呢个唔算有太大嘅问题，肉质都几鲜嫩，猪骨汤底都算有啲味！但煎鸡扒呢个就「大件事」喇，虽然「就咁睇」个卖相就觉得都几吸引，但一饮就觉得「出事」喇，因喇沙汤底嘅味道系超级咸，简直系咸到苦同咸到呕呀！我们即刻同店员讲话超级咸，店员话会帮我们将汤底倒咗一半，之后加啲猪骨汤嚟沟淡啲，虽然系比之前淡咗啲，但都依然系好咸，真系唔敢再谂一开始系有几咁咸！而煎鸡扒并唔系煎㗎，而系炸㗎，所以感觉比较油腻，肉质亦有啲「硬实」！至于红薯粉嘅份量就非常少，我们明白下午茶嘅份量唔会太大份，但都唔至于得咁少，而且仲要系卖$40碗，感觉真系好「揾笨」同超唔抵食！