麻辣Doi (已結業)

香港越来越多食辣嘅舖头，四川菜，麻辣鸡煲，水煮鱼，各式各样唔同嘅舖头有独家唔同嘅味道，未必可以话边间最好食，各有千秋，不过就唔系每一间都啱香港人口味，所以，今次介绍嘅小店，系绝对适合香港人想食辣又唔食得太辣嘅刁钻肠胃。废话唔多讲，首先介绍招牌水煮鱼，第一个感觉就系比起其他店舖少油，但系食落去，依然香味十足，花椒味香，鱼片超滑，再嚟有凉拌薯仔丝，非常适合重口味用嚟𩠌酒嘅朋友，最后有我最钟意嘅手撕包菜，依道菜就最体现到呢一间店厨房嘅镬气十足。满足左我嘅四川菜瘾。