鼎家喜筷 (已結業)

比各大ig, openrice posts上嘅即燒鵝髀吸引左黎🤤 黎到就見到餐牌show到個鵝髀餐，所以即刻嗌左！同想像中一樣，即燒鵝髀熱辣辣，食落皮脆肉嫩、肉汁四濺，juicy到爆！隻鵝髀size好大，如果有得配濛粉就仲正！呢個叉燒蛋包飯就好高質。蛋炒得好滑好靚，而叉燒嘅味道亦好正宗。另外想大讚佢地嘅白飯。而家唔少燒味餐廳為左種種原因就忽略左靚白飯嘅基本條件，而鼎家喜筷碗白飯熱騰騰之餘，亦粒粒分明，食落口感軟熟，好食！條燒肉肥瘦相隔，皮可再脆啲。見佢作為燒味餐廳但居然有甜品咁得意，所以就叫左個toastbox試下。估唔到份量咁大，咬落啖啖香脆，拍得住甜品舖嘅質素。