Catee (已結業)

今日朋友P話帶我去荃灣一間有特色的西餐，她說那是没有貓但有很多貓做題材的佈置及裝飾，食物不錯，更有很多益智遊戲，給我們這些都市人一個回歸那些年的機會。有時放下電子產品邊玩一啲青少年時代玩過嘅遊戲，邊說說笑笑都係好開心嘅事。再加上有不錯的美食更加快樂透。我們點了一個set dinner 又散點了湯及前菜同享。是日餐湯忌廉豆湯雖好但仍給單點黑松露野菌忌廉湯給比下去，全因馥郁香濃的黑松露特有的香味再配上野菌的鮮，真對我胃口，好味。跟餐的沙律頗見廚師的心思， 配搭有藜麥、羽衣金蘭、新鮮田園蔬菜再配左一個以紅菜頭打成嘅 dressing 味道清新帶甜甜酸酸好醒胃。前菜未到枱邊已聞到甘香的鵝肝味，煎的時間揸拿得很準面有焦香，但内裏綿滑，入口即化，食到咀郁郁。主菜是澳洲肉眼，件頭很夠份量，五成熟剛好，肉汁夠多，有咬口又唔韌，我開首仲怕比不上安格司，但食落又不錯，正。食得很飽，點左杯西柚汁，頗驚喜，色澤很靚，飲落很消滯。悠悠閒閒 就玩咗一個晚上 好暢快下次要聚會 傾計呢度不失為一個好去處。