稻埕飯店 (K11購物藝術館) (已結業)

見到門口餐牌有鵝肉，就諗起台灣，去唔到台灣旅行，咪食下台灣菜。 環境光猛乾淨，座位舒適，餐廳有wifi方便客人電子落單。落單後好快就出到餐，員工反應快。叫左"鵝不是鴨肉"午市套餐配桂花胚芽米水， 配菜嘅醃蘿蔔同糖心蛋好食，主角既鵝肉韌同痴牙，份量少，只有面層係鵝肉，下面全部都係肥膏同骨，上層部份鵝肉有骨黐住，少飯食唔飽。跟餐既桂花桂花胚芽米水正常，甜度適中。餐廳外冇人排隊，但員工一見我食完，即刻送上單據，感覺係無聲咁催促客人食完即刻埋單走。結論：對比佢既鵝肉份量同味道，130蚊(118蚊另加一)一個午餐唔合理，冇下次。