日日香鵝肉飯店 (黃埔新邨) (已結業)

見佢開咗一段時間都冇機會嚟食，終於叫到亞仔嚟食呢種傳統滷水餐廳，多幾個人嚟食又可以試多啲唔同嘅款式。價格同茶餐廳差唔多，但室內裝修雅致及座位寬躺程度比茶餐廳好好多。鵝雜炒粿條$68，炒法似乾炒牛河，雖然話係鵝雜，但都有唔少鵝肉、鵝肝、鵝腸等，食落質素都唔錯，感覺抵食。潮式肉碎蠔仔粥，睇落真係有好多蠔，煮嘅時間剛剛好，啲蠔仔仲好滑身，感覺正宗。雙拼鵝肉鵝腎河粉，因為係湯河佢哋將啲我用我想分開上，細心安排。鹹酸菜好有驚喜，唔會好鹹魚唔會太酸，令人開胃。鵝肉係餐廳招牌，果然冇令人失望，肥瘦均勻，亦夠淋身，加上酸醋更加夾。