麻神麻辣火鍋 (已結業)

老實講小妹係食唔到辣嘢嘅， 但係一種大佬盛意拳拳話去試下呢間麻神麻辣火鍋，有清湯底而且又係我嘅生日飯，一定奉陪！一上到去25樓坐窗口位環境超正打邊爐嚟講真係好高級，而且佢有個露台打完邊爐仲可以出去食雪茄 🚬吹水，環境嚟講有90分一入到去所有服務員笑容都唔錯，個個都幾有禮貌，招呼我哋嗰台服務員算係勤快但係有啲鈍 不過唔緊要好小事。入正題麻辣火鍋嚟啦！每人會配一舊鴨血，初頭我唔敢食因為驚太辣，最后都試咗一嚿，溝咗少少水希望冇咁辣。一啖咬落去嘩正呀超級好食每人再追加多兩嚿 !!!!念念不忘 而且其他食物都好高水準，梅菜豬肉丸都好好食 如果一大班朋友食飯聚會，之後又會食下煙或者cigar吹水，出露台 真係冇得頂