鼎王麻辣鍋 (金巴利道) (已結業)

之前喺台灣食過一次之後一直念念不忘，既然鼎王麻辣鍋嚟左香港，點都要試吓啦！坐低後，店員細心逐一介紹，點菜方法、餐具、醬料區、洗手間位置等，非常有禮、貼心！另外鋪頭嘅消毒都做得好好，好似店員用iPad幫我地落單後，會用消毒液抹乾淨部iPad先再俾我哋用。坐低之後，有張摺好左嘅A4紙放口罩。呢啲細微之處其實真係好加分。店員先奉上水蜜桃茶，一聞上去好清香，又有陣甜味，令人不其然想再飲。呢度其實只有數款湯底，唔駛諗，一定叫鴛鴦鍋，可以一次試曬兩款主打（鴨血麻辣湯底同酸菜白肉鍋）😋鴨血、豆腐、酸菜可以任意添食，而且店員會主動黎加湯加料，唔駛驚唔好意思，店員重提議我地先嗌小酸小辣，之後覺得唔夠再加，真係好細心，最怕有時高估左自己辣得滯返唔到轉頭🤦🏻‍♀️每上一道菜，店員亦會提醒應烚幾耐👍🏼鴨血同頭腐都好正，我食左超多。鴨血大大舊，無任何血腥味，好新鮮嫩滑。硬身頭腐，裡面索曬湯底，好味！牛小排：鐘意佢牛味香濃，有嚼勁，咬落去重有少少肉汁桂花蚌：好新鮮，我鐘意烚耐少少，入超爽脆，點埋腐乳醬好正黃金豆鈴卷：唔油腻，食落去好多層次，保留外面淋裡面脆