蛇王協

营业中

休息中

秋風起三蛇肥，放工同事好想食蛇羹，一行三人來到深水埗，地鐵站一出行2分鍾，鴨寮街蛇王恊~好多人幫襯過都話堅料，原本諗住食個蛇羹加糯米飯，因為大家都肚餓，叫下叫下叫咗好多嘢。先來每人一個細蛇羹，其實份量都唔細，蛇羹好足料，加少少檸檬葉，幫助帶出蛇的香味，條條蛇肉又大又粗，好好食。酥炸蛇碌，豉油王脆炸，非常香口，且好有口感，粗骨只啱大人，小朋友可望而不可試。山瑞燉湯，材料豐富，有食客叫個燉湯跟個白飯，咁就一個豐富晚餐。再叫多個羊腩煲配生菜，腐乳醬是必備，配料有筍，枝竹，冬菇等等。