鳳城酒家 (禮頓道)

营业中

休息中

現代的白領麗人同時都是醒目C9一族，尤其是禮拜六日，願意唔願意都要變身，我怎可能例外，所以周不時都會搵是抵食套餐，星期日與家人分享。今次我搵到鳳城酒家的超值孖寶，兩百幾蚊，主膽是金牌炸子雞半隻，招牌菜來的，跟住可選擇薑蔥蟹、清蒸海班、上湯龍蝦伊面，全部都是配海鮮，價錢依次序分別是$248、$268、$298。我哋今次揀咗價錢最高的原隻上湯龍蝦配伊面底。金牌炸子雞食慣深圳走地雞的阿姨都覺得唔錯，因為炸得香、雞皮脆、鼓油味香，就是冷藏雞的肉對佢來說比較腍都接受。上湯龍蝦伊面底龍蝦新鮮，肉很多，上湯有味但冇過分可以保持到龍蝦的鮮味，伊麵帶點韌性口感幾好，喜歡汁豐富。