鱻潮手工私房鍋 (已結業)

今晚黎到沙田圍食大排檔，入到去好多人都食緊火鍋，最後我地簡左叫小菜。相比一般的大排檔整潔，有室內冷氣。🥢自家製鲜蝦蟹餅啖啖肉的蝦膠爽口彈牙，蝦蟹味十足，再搭配甜辣醬一起食，唔可以抗拒既小食。🥢水煮魚第一次食水煮魚用上倉魚，整體骨少肉多且鲜，完全吸收辣湯湯汁，感覺鮮嫩，微辣。底層仲有幾款配菜有鴨血、蜂巢豆腐、蟹味菇、薯粉，豐富惹味。🥢鱻潮小炒王小炒王加入蝦乾、魷魚、韭菜花等材料，鹹鹹香香，鑊氣十足，送飯一流。🥢荷香籠仔蒸蝦飯蒜香、海蝦為蛋白炒飯味覺更上一層樓，蒜香味中足，啖啖嫩蝦肉伴着清新荷香飯，令人一口接一口。