上海婆婆336 (已結業)

好耐無行過淘大，以前中學成日黎呢度補習，記得以前中學覺得上海婆婆好貴，但而家出黎做野之後覺得消費得起了決定黎回味下！雞絲粉皮應該係每次食上海野必叫既！呢度既雞絲普通左d，而且麻醬唔夠多～小籠包唔錯，汁好多而且肉都夠甜！一定要甜先好食啊！哇！呢個鱔糊粗炒真係無得輸啊！第一次食，炒得好夠味，而且鱔好嫩好甜，唔腥唔硬，同個粗炒無限咁合拍！川椒辣子雞係朋友介紹話點既，辣得黎又食到雞味，係最正既！我地兩個人好似食得有d多了。。。。朋友好任性咁叫左呢個迷你五香芝麻餅，以為係咩特別野點知咬開原來全部都係蔥。。。。。。兩個人300幾埋單，咁好食，真心抵！