名代宇奈備長炭燒鰻魚飯專門店 (希慎廣場) (已結業)

冇得去日本旅行，想念家鄉，咁就食下一啲家鄉美食。呢間野個名好長，所以我從來唔記得佢叫咩名，只會叫佢做希慎鰻魚飯。通常一間店只做一樣食物嘅話品質差極有個譜。呢度有好多種唔同鰻魚飯，都係大同小異，主要係鰻魚份量嘅唔同。當然亦有一啲鰻魚類小食。唯一係由於希慎分店沒有炸爐，所以炸雞、鰻魚天婦羅等炸品都缺乏供應。我叫咗個鰻魚重特上，一個盒飯有3塊鰻魚，分量充足，而且要加飯係免費嘅，對於食量比較大嘅大男生就好了。鰻魚味道唔錯，唯一係炭燒味道唔夠，少咗嗰種刺激嘅感覺。仲跟埋酸菜同麵豉湯，麵豉湯用赤麵豉，不過我就覺得稍為鹹咗一啲。響銅鑼灣地區而呢一個味道同份量，價錢都算合理，喜歡食鰻魚飯嘅都可以去一下。