名代宇奈備長炭燒鰻魚飯專門店 (iSQUARE國際廣場) (已結業)

星期六晚6點幾無乜人，唔使等位。因為唔太餓，就決定叫一個飯share食。鰻魚重  特上($158)赤味噌湯偏咸，味道唔錯。主角鰻魚飯，大約有半條鰻魚，鰻魚有淡淡既炭燒味，口感唔錯，幾黏口，惟魚尾乾左少少。飯口感偏硬身中又帶有少少煙韌，同軟熟既鰻魚形成對比口感，好食。鰻魚本身係熱，但又未去到熱辣辣既程度，如果再熱d就仲正。另“友人”表示鰻魚汁唔夠，有機會再食可以試下叫多汁。(個人口味S: 3.3/5)(個人口味E: 3.8/5) 想過下癮食鰻魚飯尼間都係唔錯既選擇，最平既$68有交易，以尖沙咀區而言價錢相宜。另外侍應都幾細心，見我地share食就主動拎隻碗仔俾我地。