金鶴拉麵 (荷李活道) (已結業)

黃色暴雨下的中環蘇豪區，好靜，我同友人剛從長洲出來，本來打算去大館影下相，hea下，但由於太大雨了，唯有去室內地方，朋友想食食拉麵，眼前見到一間叫金鶴。應該是新開的。於是入去一試。今次就試下個鰻魚飯先！店員介紹，原來呢度嘅鰻魚係自己養殖，由台灣運到，師傅即叫即燒。所以要等15-29分鐘。冇問題啦！我又唔趕時間。。。仲有一個賣點，就係呢度嘅鰻魚好厚身，有3cm!朋友叫了碗鹽味拉麵，簡簡單單。店員介紹，日本雞胸肉，低溫慢煮，要凍食，如果浸咗落湯，就冇咗嗰種風味。的確，雞胸肉好嫰滑。呢個就係賣點！鰻魚飯到！ 鰻魚燒得好香，又唔算乾身，真係好厚身！平時出面鰻魚飯嘅鰻魚係薄嘅，好少真係咁厚身！