金鶴拉麵 (荷李活道) (已結業)

疫情下policy日日改，六點冇堂食真係好慘，無論對食肆定一般市民。最近都好少出街，今日難得約左朋友去大館影相，影完就睇下有咩食。呢間之前係佐敦食過，一直都好想回味，因為印象中係好好食嘅雞白湯。我地一個叫拉麵一個都沾麵，再加一串鰻魚，岩岩好。雞白湯拉麵雞湯果然係主打，雞味濃郁，但唔會過份油膩。雞肉最難忘都係個炸牛蒡，店員食之前提醒我地可以即食，唔駛浸淋。我直頭即刻夾起放係隔離，牛蒡咁食一係一流，炸到好香又唔覺油。雞白湯沾麵好貼心嘅店員話：如果食到凍左都可以叫佢地加熱個湯架！真心覺得呢個服務好好。沾麵好怕個湯好鹹，呢到就唔會。鰻魚串燒呢個鰻魚唔係超市放左好耐再燒熱佢個種， 係新鮮魚加鰻魚汁燒成，所以肉質彈牙鮮味。