隨心 (已搬遷) 新店位置

住喺东区最正嘅就系揾好野食一d都唔难，高质素小店非常集中，我同老公经常去筲箕湾东大街、鲗鱼涌海光街、滨海街等地方觅食，总会遇到惊喜！随心，我地都帮衬过好几次，次次食都有惊喜味道！次次黎到必食无骨海南鸡饭，基本上个个食客黎呢度都必点，连埋杯鲜味鸡汤，鸡汤唔会好油，饮落好舒服。最正一定系鸡肉，起哂骨，啖啖肉之余，仲皮爽肉嫩。我平时系唔会食鸡皮，一黎怕街食到d鸡拔唔干净鸡毛，二来怕油腻口感，呢度嘅海南鸡系会好食到令我放心食埋鸡皮，仲食得好过瘾😂鸡油饭够香，连伴菜嘅凉拌云耳丝都好爽脆，好好食。另一个亮点系呢个亚参凤梨咕噜肉，卖相已经好吸引，咕噜肉份量唔少，食极都仲有。味道似加左咖喱嘅咕噜肉，比起平时食嘅中式咕噜肉当然更惹味，非常适合拌饭。加埋菠萝酸酸甜甜，仲好开胃添！我地上次食过麦皮虾，非常喜欢，今次想试下其他煮法嘅虾，老公又怕辣，侍应就推介我地试白胡椒虎虾，果然不错！香而不辣，虾又大只，肉又扎实爽口，老公非常满意。百味啫啫芥兰煲，炒得好香，菜都好靓好嫩，无渣。仲试左杯生姜茶，好够姜，微辣，饮完喉咙好舒服。侍应都好nice，见我地食虾食到成碟都系虾壳仲主动帮我地换碟，小店就系有种温暖！