豉椒炒蟶子 - 鮮甜肉爽，豉椒味無遮到蟶子嘅肉味，大大隻，好食。
1
黃金蝦 - 好食，蝦夠新鮮同大隻，黃金蝦可以成隻連殼一齊食，好食。
蒜蓉粉絲蒸扇貝 - 唔好以為啲蒜蓉粉絲咁大pat就以為粒扇貝好細粒，都係中等size，絲粉唔乾身得嚟濕潤帶蒜蓉及豉油汁，扇貝新鮮彈牙又鮮甜，好食呢。
清蒸石班 - 廣東人蒸魚，只要新鮮就會好食，魚旗向上，明顯新鮮啦。
花彫蛋白蒸北海道毛蟹 - 花彫，蛋白加蟹汁三者同蒸係一個完美嘅配合，只要蒸煮時間啱無可能唔好食，毛蟹唔係好大隻，但300蚊食餐，又毛蟹又龍蝦邊到搵呀。
芝士焗龍蝦加伊麵底 - 本地龍都叫做大隻，爽彈，焗得唔會過火，芝士味好重，份量以三個人嚟講算多，伊麵吸晒啲汁一齊食好好食呢。
上湯花甲 - 肉爽清甜，好食。
入得鯉魚門食海鮮，只要識門路，都可以又平又好食嘅，享記+快樂依個combo絶對係鯉魚門食海鮮不二之選呢，我哋四個人，食咗6個好食同新鮮嘅海鮮都只不過係一人$350，什麼西貢呀三門仔，布袋澳呀唔係唔洗諗。
