影片
更多
2018-06-11
499 浏览
轉左工得閒啲，終於可以平日同阿媽慢條斯理甘去鯉魚門食海鮮啦！呢間餐廳係正碼頭傍邊，認真係望住個海食海鮮呀。食海鮮選擇極多，真係花多眼亂。懶人如我當然需要店員幫忙啦。店員都非常之友善，不停向我介紹客種食物。話說有超級大龍蝦，蝦肉可以浜燒，頭就煲粥。可惜太貴啦，唔捨得食。其實海鮮都平有平食，貴有貴食。海鮮有三款食法，浜燒、刺身或清酒煮。媽媽唔食生野，我地又諗住叫海鮮粥，所以叫店員推薦左啲浜燒既海鮮。呢個係馬友一夜平，阿媽話想試下所以叫左。店員話係廚師推介，用風干機吹一晚就得。食落都幾咸，我唔係太食咸。不過皮好香脆，另外可加檸檬或附上的酸汁，味道都幾好。海鮮粥二人前，細細碗有兩隻蝦、兩隻蜆。粥有少少蛋花、蔥花。不過味道比較淡。但碗馬友一夜干食就非常夾。咸魚始終要餸粥！天婦羅幾大碟但都滯。蝦當然最好食，粉薄而且蝦肉鮮甜大隻。最驚喜係蓮藕，第一次食蓮藕天婦羅，原來都幾夾。夠爽脆又唔覺膩。最後當然係主角燒海鮮！生蠔半打128，都算抵食。燒得很有技術，剛剛熟透，不會過干。媽媽連湯汁都飲下呢！而最難得係佢地係我地隔離燒，可以直接望著自己既海鮮，真係一種享受。貴妃蚌好大隻，而且爽脆清甜。本身以為貴妃蚌已
食海鮮選擇極多，真係花多眼亂。懶人如我當然需要店員幫忙啦。店員都非常之友善，不停向我介紹客種食物。
話說有超級大龍蝦，蝦肉可以浜燒，頭就煲粥。可惜太貴啦，唔捨得食。其實海鮮都平有平食，貴有貴食。海鮮有三款食法，浜燒、刺身或清酒煮。
媽媽唔食生野，我地又諗住叫海鮮粥，所以叫店員推薦左啲浜燒既海鮮。
呢個係馬友一夜平，阿媽話想試下所以叫左。店員話係廚師推介，用風干機吹一晚就得。食落都幾咸，我唔係太食咸。不過皮好香脆，另外可加檸檬或附上的酸汁，味道都幾好。
海鮮粥二人前，細細碗有兩隻蝦、兩隻蜆。粥有少少蛋花、蔥花。不過味道比較淡。但碗馬友一夜干食就非常夾。咸魚始終要餸粥！
天婦羅幾大碟但都滯。蝦當然最好食，粉薄而且蝦肉鮮甜大隻。
最驚喜係蓮藕，第一次食蓮藕天婦羅，原來都幾夾。夠爽脆又唔覺膩。
最後當然係主角燒海鮮！
生蠔半打128，都算抵食。燒得很有技術，剛剛熟透，不會過干。媽媽連湯汁都飲下呢！
而最難得係佢地係我地隔離燒，可以直接望著自己既海鮮，真係一種享受。
貴妃蚌好大隻，而且爽脆清甜。
本身以為貴妃蚌已經好正，點知胭脂蚌原來仲正！簡直是驚喜！58元兩隻，雖然細隻啲，但比貴妃蚌天清甜，而且同樣爽脆。媽媽都大讚！真係平靚正呀。
馬刀貝就差啲，吃下無咁清甜，味道偏咸，而且燒得少少過韌。
日月蚌就更加咸，而且更韌，算是比較失望。不過媽媽話食蚌對腎好。
食完後慢慢行一陣，然後有船就一齊搭船番屋企啦。真係滿足悠閒寫易既星期一。
张贴
