影片
更多
2018-04-15
1164 浏览
嚟到鯉魚門，淨係會諗起一間間海鮮酒家，擺放得齊齊整整嘅海鮮真係估唔到近碼頭呢個靚景位會有日式海鮮食而且好多人一家大細特登揸車嚟食，令到呢個寧靜嘅小角落增添一啲生氣首先前菜叫咗個波菜沙律，中間嘅波菜煮過，再冷凍返，切口整齊，有食日本嘢嘅風格底有生菜，自己淋上芝麻醬，同木魚絲一齊，味道好夾，食落又唔會太淋呢度菜式最特別係加咗啲透明條狀嘅海藻食落口感好爽口，有少少似芋絲，因為一咬即斷，但係個質地更脆口，真心值得一試叫咗個4件壽司同軍艦金槍魚，拖羅，同油甘魚壽司，仲有海膽軍艦，共4款壽司嘅魚生全部都好新鮮，白魚食落口好清新，紅魚又滿有油脂特別要提下呢個大拖羅壽司，真係入口即溶，令人試咗難以忘懷，返唔到轉頭海膽軍艦好滿，入面嘅海膽好多，一咬就瀉哂出嚟 每瓣海膽都好鮮甜，又夠creamy安格斯牛肉串燒，燒得好靚，上面嘅蔥花更添香味牛肉味濃，燒到表面有啲暗紅色嘅焦香，食落仍然好juicy嫩滑清酒煮紅蛤好鮮甜平時都係食花蛤，比較少食紅蛤每隻都好厚肉肥美，清酒嘅酒味濃郁因為大沙鍋入面有好多隻，所以店員都會幫你分埋落個碗度蜆肉鮮甜冇沙，再飲一啖清酒煮嘅湯，幾暖然後再嚟兩串燒物，分別係車厘茄煙肉串同豚肉蘆筍
真係估唔到近碼頭呢個靚景位會有日式海鮮食
而且好多人一家大細特登揸車嚟食，令到呢個寧靜嘅小角落增添一啲生氣
首先前菜叫咗個波菜沙律，中間嘅波菜煮過，再冷凍返，切口整齊，有食日本嘢嘅風格底有生菜，自己淋上芝麻醬，同木魚絲一齊，味道好夾，食落又唔會太淋
呢度菜式最特別係加咗啲透明條狀嘅海藻
食落口感好爽口，有少少似芋絲，因為一咬即斷，但係個質地更脆口，真心值得一試
叫咗個4件壽司同軍艦
金槍魚，拖羅，同油甘魚壽司，仲有海膽軍艦，共4款
壽司嘅魚生全部都好新鮮，白魚食落口好清新，紅魚又滿有油脂
特別要提下呢個大拖羅壽司，真係入口即溶，令人試咗難以忘懷，返唔到轉頭
海膽軍艦好滿，入面嘅海膽好多，一咬就瀉哂出嚟 每瓣海膽都好鮮甜，又夠creamy
安格斯牛肉串燒，燒得好靚，上面嘅蔥花更添香味
牛肉味濃，燒到表面有啲暗紅色嘅焦香，食落仍然好juicy嫩滑
清酒煮紅蛤好鮮甜
平時都係食花蛤，比較少食紅蛤
每隻都好厚肉肥美，清酒嘅酒味濃郁
因為大沙鍋入面有好多隻，所以店員都會幫你分埋落個碗度
蜆肉鮮甜冇沙，再飲一啖清酒煮嘅湯，幾暖
然後再嚟兩串燒物，分別係車厘茄煙肉串同豚肉蘆筍串
呢度嘅車厘茄都幾大粒，外面嘅煙肉包圍住厚厚嘅兩三個圈，食落整個都熟透，煙肉嘅鹹香同茄味互相襯托
豚肉蘆筍食落比較多油脂，因為外面嘅豚肉好肥美多汁，一咬落去啲油出哂嚟，加埋入面清爽嘅蘆筍，配搭都幾好
海膽牡蠣一夜干，好值得一試
風乾咗一晚嘅蠔食落已經有好濃郁嘅鹹香，外面塗上秘製嘅醬油，加上四五瓣海膽一齊食，鮮味十足
一夜干馬友呢個係必試，平時唔食魚嘅朋友都對佢讚口不絕話佢一啲都唔腥
放咗一晚嘅馬友水份比較少，但燒出嚟魚肉竟然係如此嫩滑，揭開脆香嘅魚皮下面係雪白嘅魚肉
原來佢起肉開邊嘅時候特登將一邊魚身起哂啲骨，另外半邊都只係得魚中間嘅骨，食落好方便，就算係怕麻煩嘅朋友都唔使怕
就咁食啖啖魚肉嘅鮮味，亦可以落檸檬汁，又或者將蘿蔔蓉放入特製嘅酸汁沾嚟食，各有各風味
臨尾叫咗個浜燒，福岡系島蠔$68/筒，有8大隻
每隻蠔都係手掌咁大，好肥美
店員會幫你燒，開殼，拆肉，最後放係碟上面serve
放係爐上面發出嘅滋滋聲，已經令我同朋友迫不及待
每隻蠔都好厚肉，燒到咁上下，蠔邊開始收乾水，就食得
蠔肉漲卜卜，睇見都流哂口水，入面嘅海水味濃，鮮甜飽滿，唔使加任何調味已經好好食唔怪得呢度每張檯都嗌
嚟呢度食dinner，早少少到，由傍晚日落嘅黃昏景，食到入黑睇到對面海嘅一座座大樓同一點點燈
景靚食物又正，真係一個值得帶朋友嚟嘅地方
张贴
