影片
更多
2017-10-25
939 浏览
日式濱燒係香港開到成行成市，已經成為香港人食日式菜既另一款新選擇。但係係香港講到食海鮮，自自然然就諗到鯉魚門食海鮮。但係係鯉魚門食黎食去都係食開中式既海鮮。濱燒，真係夠哂新野黎架wor！一場黎到食濱燒，當然要由前菜開始慢慢食。首先叫左個刺身拼盤食住先啦！呢個極上既刺身拼盤，入面有蟹腳丶三文魚丶吞拿魚丶蚌共六種海鮮刺身。望到大大隻既蟹腳已經流哂口水，而且重唔洗自己用蟹鉗去扑蟹肉，一啖咬落去，啖啖蟹肉好滿足！每款魚類都好新鮮，好足魚油感岩哂我。但最好食既我覺得係個蚌，鮮甜又爽脆，配岩佢個Wasibi，好爽！食完個刺身，又係時候食D熟食啦！呢條一夜乾用左馬友，真係好食到不得了！一夜乾即係鮮魚即時用鹽去醃，風乾一晚之後再拎黎燒。魚肉好滑，而且油脂都唔少，而且咸度岩岩好，唔會風乾得太耐而過咸，味道控制得岩岩好，加上燒魚既功夫好，魚皮燒得脆得黎有少少焦香，加埋少少檸檬汁，好正。而且馬友本身比較少骨，可以大啖大啖咁食特別爽！食完條一夜乾，都係時候食今日既主角-燒海鮮啦！我叫左扇貝丶花竹蝦丶生蠔同埋鮑魚，D海鮮全部都可以自己係水箱度揀，之後比師傅洗乾淨就好生猛咁拎上台啦！兩話不說，即刻開爐準備燒海鮮啦
一場黎到食濱燒，當然要由前菜開始慢慢食。首先叫左個刺身拼盤食住先啦！呢個極上既刺身拼盤，入面有蟹腳丶三文魚丶吞拿魚丶蚌共六種海鮮刺身。望到大大隻既蟹腳已經流哂口水，而且重唔洗自己用蟹鉗去扑蟹肉，一啖咬落去，啖啖蟹肉好滿足！每款魚類都好新鮮，好足魚油感岩哂我。但最好食既我覺得係個蚌，鮮甜又爽脆，配岩佢個Wasibi，好爽！
食完個刺身，又係時候食D熟食啦！呢條一夜乾用左馬友，真係好食到不得了！一夜乾即係鮮魚即時用鹽去醃，風乾一晚之後再拎黎燒。魚肉好滑，而且油脂都唔少，而且咸度岩岩好，唔會風乾得太耐而過咸，味道控制得岩岩好，加上燒魚既功夫好，魚皮燒得脆得黎有少少焦香，加埋少少檸檬汁，好正。而且馬友本身比較少骨，可以大啖大啖咁食特別爽！
食完條一夜乾，都係時候食今日既主角-燒海鮮啦！我叫左扇貝丶花竹蝦丶生蠔同埋鮑魚，D海鮮全部都可以自己係水箱度揀，之後比師傅洗乾淨就好生猛咁拎上台啦！兩話不說，即刻開爐準備燒海鮮啦！
首先燒左兩隻大大隻生蠔先。生蠔每日係日本新鮮運到，而且原隻連殼既運費特別貴，可見店家為左準備最新鮮既海鮮係幾咁落重本。原隻連殼燒蠔，可以令到蠔汁係燒既過程盡量保留係蠔身入面而唔蒸發，令到隻蠔更加Juicy。果然無錯，燒出黎既蠔真係漲卜卜勁飽滿，絕對唔會流失水份而變左做蠔屎。食落口勁creamy，海水味好濃，蠔味又夠鮮甜，一咬落去就將D蠔汁爆哂出黎，爽呀！
食完蠔就燒番隻扇貝先，扇貝一燒到開殼就加少少木魚汁落去。一黎補充水份唔會乾，二黎將木魚汁既甜味滲入去扇貝到，味道加更豐富。原隻扇貝上，肉質非常之厚，好甜呀！我故意保留番扇貝個肝，鍾意食佢個種微微的甘苦味，唁鍾意既朋友可以剪左佢架！
花竹蝦好大隻，差唔多成隻手掌咁長。新鮮既蝦有種好香既廿甜味，加上蝦殼係爐上面燒得有少少焦，所以蝦肉都帶有一般焦香味。肉質好結實，除哂D蝦殼之後一啖咬落去。好甜呀痴線！
最後一款就係燒鮑魚，時間要比較耐，要有耐性去燒呀！肉質好彈牙，表面有少少焦，但係因為鮑魚肉身好厚，所以入面都好滑好嫩。同扇貝一樣，我都係會選擇食埋佢個肝，配上杯清酒去食，真係冇得輸呀！
食到最後想加番少少澱粉質，所以叫左6件壽司，最正最吸引既當然就係好滿既海膽壽司啦！壽司全部新鮮握，飯身比較鬆軟，同壽司料可以較佳地配合。不過記住呀，因為師父已經加左Wasibi，所以唔好自己再加Wasibi呀，否則會好攻鼻架。
一餐豐盛既晚宴又點可以無甜品呢？叫左兩款雪芭，分別係蜜桃同埋菠蘿雪芭，估唔到餐廳真係將雪芭裝入原個蜜桃同埋菠蘿入面去食，賣相已經Win哂。特別鍾意蜜桃，雪芭既口感特別滑，而且甜度適中，為呢餐豐盛既晚宴劃上完美既句號！
张贴
