真開心啊，今晚有朋友要請我食大餐，我話我想去食海鮮，仲要係蒸氣海鮮，本嚟我想去開嗰間食，但話佢屋企附近有間，就叫我過去嗰邊試下，我覺得海鮮最好嘅食法就係清蒸，清蒸能體現到海鮮嘅新鮮度。
原嚟係帶我去金御膳正宗海鮮蒸氣石鍋，環境好舒適，令人感覺好放松，食飯環境都幾好。首先蒸上朋友最愛象拔蚌，好可愛嘅象拔蚌仔，細細只好好肉，韌韌地嘅口感，好鮮好鮮，一人食兩只剛剛好，加上蔥蒸唔洗十分鐘就OK了。
今日無點大蝦，試下生蝦仔味道如何，雖然係話生蝦仔，但都唔算話十分細只，蝦肉爽口彈牙，新鮮度就剛游水上嚟咁，感覺比大蝦更鮮甜，肉質更結實，價格唔貴，性價比好高。
嘩，第一次食呢個意大利海鮮湯底，睇落去好靚，好吸引人啊，黃金黃金好似咖喱湯咁，湯底配料海鮮都幾足料，所以湯底好清甜，再加上頭先甘多海鮮系上面蒸，更美味。
差D唔記得講呢個蒸魚片，魚肉片好厚身，肥美鮮甜，令人驚喜喔，應該系一條大魚嘅肉，味好好。
