今次黎到鮮鍋道場
同同事放工覓食放題
同同事由公司落車慢慢行
位置係元朗游泳游行入小小
嘅私人住宅商場
入到去空間唔算大
但餐廳都唔吝嗇用左一半位放食材
提供好多食物種類比客人
打邊爐食材種類多 望落亦新鮮
不過既然黎食放題 所以冇選擇到邊爐
拿拿林叫左刺身
甜蝦爽口唔腥
玉子厚實大塊 岩晒小弟蛋物愛好者
三文魚鮮甜 入口滑dudu
厚身但易入口 唔會有筋咬唔到
今次有個大隻同事
壽司叫得特咁多
壽司飯細舊而軟熟
鰻魚入味 煙三文魚香口
炸蝦烤亦出色
小食當然唔小得小弟最愛 雞軟骨串啦
香噴噴 足足食左6-7 條
炸餃子有肉汁 十分唔錯
榴連炸彈
同事話好香好食不過小弟就唔食榴連了
1
台灣腸甜甜地亦都唔錯
羊架亦出色
肉質淋身 唔多肥油唔膩身 食多舊都唔太濟胃
除左呢啲 野飲 即制雪糕 甜品都任食
第二個胃都已經食唔落啦！
