Burgerman (欽州街) (已結業)

今日去深水埗探長輩，就順便去搵好野食。比我搵到一間食美式漢堡既小店。呢間店細細間，坐喺入面可以見到廚師喺廚房即製漢堡。入面仲有一啲客人貼既支持香港既memo啊！呢度有成十款漢堡咁多啊，仲有一啲意粉、沙律同埋小食！我叫左一份至尊漢堡套餐。呢個漢堡包好大份啊，有雙層美國安格斯牛肉，配上香炒洋蔥、蘑菇、煎蛋同埋香煎煙肉，再加上半溶既芝士，完美啊！我仲點左份水牛城雞翼，5件先38蚊，好底食啊！雞翼燒到好香，有少少辣味，好惹味啊！