茶廳 (已結業)

阿媽成日都話呢一間的早餐唔錯，特別係鴛鴦，咖啡香，奶茶滑，今日有機會食個下茶先啦!我哋坐近門口嗰張枱，所以唔知裏面的環境係點樣?但係出面密集式咁擺咗幾張枱。招牌茶廳焗豬扒飯 啲飯焗得窿，有啲硬，好似飯焦咁，茄汁唔會太鹹，味道適中，菠蘿都幾新鮮，豬扒唔會太實，腍身，可惜冇乜味道。奶油豬個包一啲都軟熟，似係翻叮的，麵包口感係韌， 雖然面頭有好多醬，但係唔夠脆。鮮茄湯牛肉通粉 牛肉好軟滑，蕃茄味濃郁，通心粉的口感啱啱好。火腿奄列牛油多士個蛋好滑，唔會太多油，火腿有煎過，多士好食過個奶油豬好多，牛油份量適中。阿媽話今次杯鴛鴦係由女人沖，冇咁好飲，之前個男人沖得好飲好多。檸水正常。