鮮芋仙 (荃新天地)

台灣過江龍《鮮芋仙》，銅鑼灣店未開我都已經好想試，因為本人係一個超級芋圓控，但奈何每次經過都見大排長龍，不論黃昏或晚飯過後，但等待對於我嚟講唔太熱衷。直至上星期，得知荃灣開咗分店，去一田掃貨同時，順便一圓鮮芋仙夢。


［芋圓4號(熱)$45］⭐️⭐️⭐️

芋圓4號

$45

Menu非常簡潔清晰，已將主角分門別類，既然我係朝著芋圓而嚟，當然會揀手工芋圓啦，據聞芋圓由台灣製作，再送到香港煮熟，所以我非常期待芋圓口感同味道，結果令我大感失望！芋圓入口無Q彈感覺，而且味道唔太像蕃薯同芋頭，反而其他配料比較出色，如紅豆又腍又起沙、珍珠煙韌彈牙、大甲芋頭香軟細綿，所以我下次唔會再食芋圓，反而大推大甲芋頭。


一人共消費：$45