村爺爺龍蝦湯.泡飯.燉湯專家

营业中

休息中

一條友收工諗緊食咩之際，就見到呢間村爺爺好好生意，出面又有人排哂隊咁，所以就決定試下。呢到湯飯種類好多，個啊姐係咁介紹我食嗰個花膠螺頭雞翅煲，不過我個人唔太好螺頭，所以最後揀左個殿海鮮龍蝦湯泡飯。寫明有半隻龍蝦，拎到黎真係好大隻先講佢個湯又鮮又甜，海鮮分量都好足，唔計龍蝦另外仲有有扇貝青口蜆魷魚，咁既價錢真係抵食啦！另外仲叫左個小食，都係啊姐強烈推介既墨魚手指拼魚腐，佢話個墨魚係人手打架，所以都好多客食。見啊姐咁強烈推介所以就試下啦，黎到試左又真係幾好味喎，墨魚真係好彈牙，而個魚腐佢用左炸黎整，外面卜卜脆裡面軟林林都幾有新意。