鯛魚魚湯專門店 (已結業)

老公知道我喜歡飲濃湯，尤其是鯛魚湯，佢知道九龍城有一間主打鯛魚湯的專門店，立即約我一齊去食晚餐，專門店裝修設計都好有日本feel,主要打鯛魚湯同海鮮湯鍋。鯛魚濃湯鮮蟹（可以選配飯或烏冬），我選了手打烏冬，一鍋熱騰騰的鮮蟹鯛魚湯用火滾住食，原隻鮮蟹好吸睛，蟹肉和蟹膏鮮味十足，奶白色的魚湯飲落好足料，細問之下原來佢地每日用大量鯛魚及秘製配料，經過十多小時熬製成湯底，所以非常鮮甜濃厚，使用日式手打烏冬，口感煙韌，掛上鮮味濃湯美味無窮！波士頓龍蝦湯飯：湯飯有唔少海鮮選擇，霸氣首選就係波士頓龍蝦，大大隻原隻上，肉較嫩滑細緻，蟹肉蟹膏分明。配鯛魚湯飯，鮮甜美味，令人回味無窮！飲品跟餐有特價。