丸十日本食堂 (已結業)

星期五shopping 后要医肚，周围都排队，最后揾到呢间丸十无人喺外面等（不过入面都坐满晒），就去试一试！由于一个人，好快可以安排入座bar枱，我仲坐正出餐位添😂一个人叫唔到好多嘢食，于是就试下啲丼，平时好少食丼嘅我睇中咗北海丼，因为好似乜都有啲咁😋到上菜时真系心心眼😍😍😍，睇落好新鲜，色泽好靓，加上好肚饿，就快快开餐！如图所见，除咗有四款鱼刺身🐟，仲有海胆、带子、虾🦐，同埋拆咗壳嘅蟹肉碎🦀，仲有鱼子，全部都好新鲜！先试带子，既大件又有口感，鲜甜🥰，唔舍得地慢慢分开食🤭然后我最爱嘅海胆真系鲜甜到一个点👍🏻真系觉得似喺日本食果啲新鲜海胆咁正😍而且比我想像中份量要多，我可以夹到四五旧出嚟🤤几款鱼刺身都系好新鲜，仲有好香鱼油，配埋少少wasabi食，唔洗点豉油都好好味！🐟🦐虾都唔细只，新鲜淡淡肉👍🏻蟹肉鲜甜，不过有啲壳拆得唔够干净，要食得小心啲（小小瘕疵），而鱼子一向唔系我favour，不过呢度呢啲我都食晒🤭🤭值得一提系，啲米饭应该系混咗醋同甜鼓油，就咁无嘢送都好好食呀，见到有网友话啲饭好硬，好彩我呢碗又无咁嘅情况吖🥰见到个餐牌有啲其他贵价既选择，食完呢个北海丼，有信心果啲贵价丼应该会更好