海鯛魚湯專門店 (已結業)

今日經過鰂魚涌，見到呢間海鯛魚湯專門店，件幾得意，所以入去試吓。環境舒服，座位相隔闊落，而且感覺乾淨。本身諗住去食拉麵，點知好多都係烏冬同埋配菜唔會有得揀叉燒或者燒肉，反而係同魚湯夾得好啲嘅海鮮，例如魷魚，魚片生蠔等等。海鯛魚片湯烏冬($77)加zero: 魚片份量幾多，都有6-7塊 ，食落唔算太滑。配菜有豆腐卜雲耳同埋少許紫菜，魚湯奶白色，飲落去好鮮甜，食得出係用咗好多，如果去整嘅。烏冬亦都好滑，份量都幾多，食完一個女仔都應該會覺得好飽。魷魚筒鯛魚湯烏冬($87)加提子汁: 魷魚筒有5-6塊，自己覺得呢一個好食過魚片，每個魷魚筒都有好多膏，食落同魚真係好夾，大家帶出大家嘅鮮味。串燒牛脷($28): 原來除咗湯烏冬之外亦都有唔同嘅串燒，叫咗兩串平時必點嘅，牛脷同埋雞翼。牛脷厚身，食落唔會燒得過火中規中矩。鹽燒雞兩節翼($38): 鹽燒雞翼燒得好脆，同樣都係即叫即燒，皮脆肉嫩，亦都保留左肉汁，幾好。總結：本身冇諗過魚湯專門店呢一個概念，始終香港地大多數都係食豬骨拉麵為主，點知食完之後又覺得幾好喎，最重要嘅係佢夠平，而且食物質素都算高，又坐得舒服，唔錯。