滿堂紅頂級雞煲火鍋 (已結業)

一行三人去左食雞煲呢度除左有麻辣雞煲之外，仲有近年深圳大熱既椰子雞煲！而且仲有清湯同濃湯揀，睇返餐牌，分別就係濃湯就會加椰漿。我地點左一個清甜椰子雞，雞煲黎到，雞既份量都好多，最後食完先見到原來三個人會有一隻雞！雞煲味道開頭比較淡，但煲耐左就愈來愈甜，好味！呢度配料係全自助形式，任食任拎，但可惜質素一般。最後仲有雀巢雪糕任食，係我最愛既紅豆味！滿足！總括黎講，呢度性價比唔錯，$178全包仲可以食4個鐘，值得一試。