影片
更多
2017-04-19
555 浏览
隔左成半年無黎食，一直都覺得尚鮮係屬於高質既放題，已經成日都心思思想再食。最近見到有人係社交平台度分享佢地既甲羅燒，非常吸引，於是就搵晚上黎食呢個新推出既item！坐低無幾耐，一黎就送個好吸睛既海鮮拼盤！海鮮望落好新鮮，隻鮑魚仲識得郁架！海蝦、蠔、帶子、鮑魚既份量都係按人頭計。個甲羅燒超級正！蟹殻裏面裝住鮮甜蟹膏、蟹肉、卜卜脆既蟹子。將蛋黃撈勻後，放係爐上面㷫一㷫熱啲蟹膏，見到佢滾就可以食。(千祈唔好燒太耐，唔係個殼會燒溶) 熱辣辣舀上黎食， 咸香既蟹膏既滑溜之餘，仲溶化左係加左糖既蛋裏面， 味道超濃郁！燒蠔一貫水準，無腥味或苦味。刺身點左三文魚、帆立貝同甜蝦。最讚賞係帆立貝刺身係厚切，而唔係一粒粒帶子仔; 甜蝦亦唔係幼身。wasabi好夠辣，應該係自己新鮮磨。 雖然呢度主打燒物，但壽司卷物都有好多款，而且刺身同飯既比例岩岩好。個人至愛係花之戀同海之卷(海膽同帶子)，叫左好幾轉，兩樣都係回本必叫！炸物點左炸蠔、炸蝦、炸蟹棒，仲有好少見既魷魚圈！全部炸物都唔油，粉醬一啲都唔厚，炸到脆卜卜！肉類依舊有好多種，而且醃得入味！韓式原條腩條超好食，望落好大塊，但其實食起上黎唔會膩！油脂同肉平均分
坐低無幾耐，一黎就送個好吸睛既海鮮拼盤！海鮮望落好新鮮，隻鮑魚仲識得郁架！海蝦、蠔、帶子、鮑魚既份量都係按人頭計。
個甲羅燒超級正！蟹殻裏面裝住鮮甜蟹膏、蟹肉、卜卜脆既蟹子。將蛋黃撈勻後，放係爐上面㷫一㷫熱啲蟹膏，見到佢滾就可以食。(千祈唔好燒太耐，唔係個殼會燒溶) 熱辣辣舀上黎食， 咸香既蟹膏既滑溜之餘，仲溶化左係加左糖既蛋裏面， 味道超濃郁！
燒蠔一貫水準，無腥味或苦味。
刺身點左三文魚、帆立貝同甜蝦。最讚賞係帆立貝刺身係厚切，而唔係一粒粒帶子仔; 甜蝦亦唔係幼身。wasabi好夠辣，應該係自己新鮮磨。
雖然呢度主打燒物，但壽司卷物都有好多款，而且刺身同飯既比例岩岩好。個人至愛係花之戀同海之卷(海膽同帶子)，叫左好幾轉，兩樣都係回本必叫！
炸物點左炸蠔、炸蝦、炸蟹棒，仲有好少見既魷魚圈！全部炸物都唔油，粉醬一啲都唔厚，炸到脆卜卜！
肉類依舊有好多種，而且醃得入味！韓式原條腩條超好食，望落好大塊，但其實食起上黎唔會膩！油脂同肉平均分佈，好似韓國五花腩。
清酒煮蜆又係新加既item，上次無食過。個蜆完全沒有沙，亦無腥味，清酒味道十分濃郁，有係日式居酒屋食到既影子。
甜品少不了蛋糕同大福，兩款甜品都有好幾隻味道。雖然係自家製，但質素唔差，大福一定要留肚食！最後，仲有movenpick雪糕送，每人三百蚊左右，物超所值。
尚鮮的回去率十分高，原因係每次去都有新驚喜，有唔同時令食物推出。今次呢個海鮮拼盤同甲羅燒亦都無令我失望，雖然係送既，但每樣都新鮮爽口，非常鮮甜。而且，依然好滿意員工服務態度，會樂於更換爐網同收拾多餘碗碟。以放題黎計，食物質素同良好服務係我多次到訪既原因。
张贴
