影片
更多
2016-06-07
936 浏览
月尾出糧就同男朋友係港島區食餐好啦，我地openrice左一陣決定去最近人氣都幾高既金樂軒食雞煲一坐低老闆娘就非常熱情，逐一介紹自己鋪頭既招牌菜色同自家出品既竹蔗茅根，天口咁興我地即刻叫左一楂黎潤下口，本來期望都啊大，點知一試真係嘩一聲咁好飲，完完全全係健康工房、鴻福堂既水準黎，竹蔗水清糖可口，飲得出係天然竹蔗既甜味，唔係話其他鋪頭加糖咁簡單。可惜我地唔記得幫楂竹蔗水影相，如果唔係大家都能夠從圖片中睇到楂竹蔗水入面放滿粟米、竹蔗、紅蘿蔔既誠意。主角雞煲，完全係一個煲滿足我三個願望，呢個煲除左有雞件、豆卜，仲有豬大腸！雞煲我地叫左小辣，食落好香口，塊雞皮略脆，肉質鮮嫩，咸度辣度亦非常適中，唔會有任何一種味覺搶左雞既鮮甜味，建議食得辣既人可以試下中辣，應該會更加惹味！另外，豆卜索哂雞同香料既精華，令豆卜既味道提升到極致，真係成個雞煲既精粹。仲有，個人係非常喜歡食豬大腸，原來豬大腸同雞煲係好夾架，豬大腸食得出店家將大腸洗得好乾淨，大部份既腸都好肥美，食完成個雞煲已經好滿足！不過男朋友話未飽要加餸轉火鍋，咁我地就點左粟米、田雞、什菇同墨魚滑，將岩岩食淨既雞煲汁加湯，搖身一變就係火鍋喇！不得不提
月尾出糧就同男朋友係港島區食餐好啦，我地openrice左一陣決定去最近人氣都幾高既金樂軒食雞煲
一坐低老闆娘就非常熱情，逐一介紹自己鋪頭既招牌菜色同自家出品既竹蔗茅根，天口咁興我地即刻叫左一楂黎潤下口，本來期望都啊大，點知一試真係嘩一聲咁好飲，完完全全係健康工房、鴻福堂既水準黎，竹蔗水清糖可口，飲得出係天然竹蔗既甜味，唔係話其他鋪頭加糖咁簡單。可惜我地唔記得幫楂竹蔗水影相，如果唔係大家都能夠從圖片中睇到楂竹蔗水入面放滿粟米、竹蔗、紅蘿蔔既誠意。主角雞煲，完全係一個煲滿足我三個願望，呢個煲除左有雞件、豆卜，仲有豬大腸！雞煲我地叫左小辣，食落好香口，塊雞皮略脆，肉質鮮嫩，咸度辣度亦非常適中，唔會有任何一種味覺搶左雞既鮮甜味，建議食得辣既人可以試下中辣，應該會更加惹味！
另外，豆卜索哂雞同香料既精華，令豆卜既味道提升到極致，真係成個雞煲既精粹。
仲有，個人係非常喜歡食豬大腸，原來豬大腸同雞煲係好夾架，豬大腸食得出店家將大腸洗得好乾淨，大部份既腸都好肥美，食完成個雞煲已經好滿足！
不過男朋友話未飽要加餸轉火鍋，咁我地就點左粟米、田雞、什菇同墨魚滑，將岩岩食淨既雞煲汁加湯，搖身一變就係火鍋喇！
不得不提呢個墨魚滑真係好好食，食落口啖啖墨魚鮮，仲會有少少墨魚肉去咬口，小小一碟火鍋配料都令我一試難忘，極力推薦！
今餐既月頭晚餐，真係食到我好滿足，老闆娘服務好好，態度熱情，餐廳環境闊落乾淨，睇得出店主好用心經營呢間食店，先會有咁高水準既食物出現！下個月頭可能會encore再黎
张贴
