阿久根和牛拉麵屋 (已結業)

唸起第一次食沾麵唔知要點，手足無措……係要我自己倒啲湯入去？上網睇先知，沾麺嘅特色就係濃郁嘅湯底，每次擺少少麵入湯到食，咁就食到最佳嘅風味。最後食完麵可以加啲清湯飲埋啲湯。識食之後就偶爾會想起這番鮮濃滋味，於是就再嚟嚐沾麺，我就叫咗慢煮薩摩雞 雞白湯 （沾麵）$98雞湯濃郁鮮美，雞肉軟淋Juciy，麵質彈牙，味道唔錯。之後我仲加咗個苦瓜餃子，覺得好得意，苦瓜用嚟整餃子真係好夾，苦瓜清苦味配上焦香嘅餃子，好正。環境好似日本小店，門口都設有自助點餐，好方便快捷。